Si çdo vit tjetër edhe këtë 8 Mars të vitit 2020, stafi I QSHPZH iu bashkua Rrjetit të Fuqizimit të Grave në Shqipëri (AWEN) për të marshuar të gjithë së bashku më një qëllim “Mbrojtjen e të Drejtave të Grave në Shqipëri”. Gjatë këtij marshimi QSHPZH theksoi edhe njëherë rëndësinë e Edukimit Seksual Gjithëpërfshirës si një komponent tepër të rëndësishëm për të parandaluar dhunën me bazw gjinore dhe abuzimin seksual te vajzat dhe gratë në Shqipëri. Ky marshim nisi pranë kodrave të Liqenit artificial ku anëtarë të organizatave të shoqërisë civile mbanin në duar pankarta më mesazhe thelbësore për të bërë thirrje për parandalimin e dhunës me bazë dhe abuzimit seksual, mbrojten e të drejtave të grave dhe vajzave të reja dhe fuqizimin e tyre. Marshimi përfundoi në bulevardin kryesor, pranë Kryeministrisë për ti sjellë edhe njëhehërë në vëmendje qeverisë për të marrë masat e duhura për parandalimin e këtij fenomeni.