“Sa më të informuar të jenë të rinjtë, aq më shumë zgjedhje të informuara dhe të shëndetshme do të bëjnë për shëndetin e tyre,”- tha një i ri pjesëmarrës në këtë aktivitet.

“Ku ka më bukur sesa nëpërmjet artit të marrim mesazhe të tilla sensibilizuese,” shtoi një e re pjesëmarrëse.

Eventi u mbyll me një numër koreografik që synoi përcjelljen e këtyre mesazheve nëpërmjet gjuhës së trupit dhe muzikës. Ky event u realizua në kuadër të projektit “Zëri i të Rinjve, Zgjedhjet e të Rinjve”, mbështetur nga Merck nëpërmjet Programit Merck for Mother, koordinuar nga Zyra Rajonale e Federatës Ndërkombëtare të Planifikimit Familjar dhe zbatuar nga 5 shtete të Ballkanit Perëndimor (Shqipëri, Bosnjë dhe Hercegovinë, Bullgari, Maqedoni e Veriut dhe Kosovë).

Ju mirëpresim në qendrën tonë për informacion, testim dhe mbështetje!

Për më shumë informacione telefononi në numrat: Cel: 355 68 313 4081 / + 355 4 2251 475

Ose lexoni këto botime për të rinj Keni dëshirë të testoheni për HIV?

Sesione informuese për të gjithë individët në lidhje me shëndetin seksual riprodhues me anë të një sërë aktivitetesh në shkollën 9-vjeçare 28 Nëntori dhe universitetet në Tiranë, Vlorë dhe Shkodër. Gjithashtu me ndihmën e vullnetarëve të Qendrës ‘Po’, u shpërndanë fletëpalosje dhe broshura me informacione të bollshme për format e parandalimit dhe mbrojtjes nga HIV/AIDS.

Njohja e statusit të HIV është e vetmja mënyrë për të luftuar HIV/AIDS sot dhe rruga e vetme është përmes testimit për HIV. Të testohemi dhe të promovojmë testimin e hershëm

EQUALIZE! – Së bashku për t’i dhënë fund pabarazive që pengojnë fundin e HIV/AIDS!

#HIVADIS #1Dhjetor #DitaBotëroreKundërHIV

IPPF u themelua në vitin 1952 në një akt solidariteti ndërkombëtar mes tetë organizatave kombëtare të planifikimit familjar. Tani një rrjet prej më shumë se 108 shoqatash të pavarura anëtare që punojnë në mbi 140 vende në mbarë botën, në 70 vitet e fundit IPPF ka lënë gjurmë në botë, duke ofruar shërbime SHSR me cilësi të lartë dhe duke ndihmuar në transformimin e ligjeve dhe politikave në të gjithë globin.

Qendra Shqiptare për Popullsinë dhe Zhvillimin është krenare që është anëtare e IPPF që nga viti 1996 dhe e vetmja organizatë e akredituar nga kjo federatë ndërkombëtare.

Sot  patëm diskutime shumë konstruktive në zyrat tona me përfaqësuesen e  YSAFE-it, Alice Brito, përfaqësuese e Associação para o Planeamento Familiar (APF), Shoqata Anëtare e Federatës Ndërkombëtare të Planifikimit Familjar (IPPF). Në këtë takim ishin të pranishëm, Drejtorja Ekzekutive e Qendrës Shqiptare për Popullsinë dhe Zhvillimin (QSHPZH), Dr. Elona Gjebrea Hoxha, Koordinatore e Qendrës “Po’’ në Tiranë, Zj. Guina Shkëmbi,  dhe vullnetarë të  programeve QSHPZH-së, Greis Osmani, Danja Nako, dhe Endi Trico. Në këtë takim u diskutuan çështje të zhvillimit të mëtejshëm të marrëdhënieve të QSHPZH-së me IPPF dhe YSAFE si dhe planet e programet për të ardhmen.

Faleminderit, Alice Brito, për diskutimin e frytshëm që patëm së bashku dhe për vizitën në Qendrën tonë në Tiranë.

Aktivitet u organizua nga Qendra Shqiptare për Popullsinë dhe Zhvillimin (QSHPZH) në kuadër të projektit “Zëri i të Rinjve, Zgjedhjet e të Rinjve”, mbështetur nga Merck for Mothers, me koordinimin e Zyrës Rajonale të Federatës Ndërkombëtare të Planifikimit Familjar (IPPF EN) dhe që po vihet në zbatim në 5 vende të Ballkanit Perëndimor (Shqipëri, Maqedoni e Veriut, Bosnjë & Hercegovinë, Bullgari dhe Kosovë).

Në këtë workshop gazetarët u prezantuan me një panoramë të plotë të çështjeve të shëndetit seksual dhe riprodhues, disa nga ndërhyrjet konkrete që janë realizuar dhe problematikat që kanë nevojë të trajtohen më tej. Ndjeshmëria dhe mënyra e trajtimit të këtyre temave ishte në thelb të diskutimeve, ndërkohë që u bënë edhe rekomandime konkrete të tilla si prioritizimi i këtyre çështjeve në media, rëndësia e trajtimit të shkakut të problemeve dhe jo vetëm shifrave, trajtimi në një plan më miqësor dhe pozitiv etj.

Një intervistë e shkurtër me informacione të rëndësishme dhe mesazhe kyçe u dha nga Drejtorja Ekzekutive e QSHPZH, Dr. Elona Gjebrea Hoxha, për të gjithë median që nuk ishte pranishme në këtë aktivitet por dhe për komunitetin e gjerë.

Në përfundim të trajnimit të rinjtë patën një koncept më të qartë rreth të drejtave të të rinjve, duke u përqëndruar kryesisht tek të drejtat seksuale e riprodhuese; thelluan njohuritë për integrimin gjinor në programet e të rinjve dhe pengesat/sfidat që hasen për të fituar të drejtat e integrimin gjinor në zona ku zbatohen programet e të rinjve duke përfshirë aksesin ndaj shërbimeve të shëndetit riprodhues, ndërprerjes së shtatzënisë, IST/HIV/AIDS; vlerësimin dhe përmirësimin e programeve të bazuara tek të drejtat dhe ndjeshmëria gjinore.

Ky trajnim u zhvillua në kuadër të Projektit “Zëri i të Rinjve, Zgjedhja e të Rinjve”, mbështetur nga Merck for Mothers, koordinuar në nivel rajonal nga Zyra Europiane e Federatës Ndërkombëtare të Planifikimit Familjar (IPPF EN) dhe zbatuar nga 5 vende të Ballkanit Perëndimor.

Qendra Shqiptare për Popullsinë dh Zhvillimin mirëpret deklaratën e fuqishme të 12 Ambasadorëve Evropianë për të Drejtat e Njeriut dhe Barazinë Gjinore në Ditën Ndërkombëtare të Abortit të Sigurt (28 shtator) duke bërë thirrje për akses universal në të drejtat për kujdes shëndetësor seksual dhe riprodhues dhe duke riafirmuar të drejtat e grave kudo që të marrin vendime për shëndetin dhe jetën e tyre.

12 Ambasadorët e të Drejtave të Njeriut të vendeve evropiane kanë publikuar këtë mëngjes një deklaratë në mbështetje të së drejtës për abort! Kjo deklaratë vjen pas Deklaratës së Përbashkët të Shoqërisë Civile për Abortin në Sesionin e 51-të të Këshillit të të Drejtave të Njeriut, duke theksuar ndër të tjera se:
“njohim Ditën Ndërkombëtare të Abortit të Sigurt dhe festojmë shoqërinë civile dhe lëvizjet feministe në mbarë botën për mbrojtjen dhe aktivizmin e tyre të guximshëm që ka sjellë si rezultat liberalizimin e ligjeve të abortit në më shumë se 58 vende që nga viti 1994. Kujtojmë shtetet se detyrimi për të mbajtur një shtatzëni të padëshiruar përbën torturë dhe është në kundërshtim me tekstin dhe frymën e Deklaratës së Vjenës.”

“Mirëpresim Udhëzuesin e OBSH-së për Kujdesin ndaj Abortit 2022 që rekomandon dekriminalizimin e plotë të abortit, aksesin universal në shërbimin e abortit dhe opsionet e vetë-menaxhimit. Shumë shtete vazhdojnë të minojnë përmbushjen e të drejtave të njeriut duke mohuar autonominë trupore, duke kriminalizuar abortin, duke mos hartuar standarde dhe udhëzime të qarta për abortin e sigurt, duke imponuar autorizim nga palët e treta dhe duke mohuar shërbimet shëndetësore që shpëtojnë jetë.

“Kuadri i të drejtave të njeriut mund të mbetet i rëndësishëm vetëm nëse e drejta për autonomi trupore sigurohet për të gjithë. Është e vetmja rrugë përpara për t’i bërë realitet sot idetë e Vjenës.”

Dita Botërore e Kontracepsionit mbahet çdo vit më 26 shtator. Fushata vjetore mbarëbotërore përqendrohet rreth një vizioni shtatzënia është liria për të zgjedhur. Organizuar për herë të parë në vitin 2007, misioni i kësaj dite është të rrisë ndërgjegjësimin për kontracepsionin dhe t’u mundësojë të rinjve të bëjnë zgjedhje të informuara për shëndetin e tyre seksual dhe riprodhues.

Një nga përparësitë kryesore të Qendrës Shqiptare për Popullsinë dhe Zhvillimin është aksesi i barabartë dhe informimi i plotë për përdorimin e metodave kontraceptive. Shumë njerëzve në Shqipëri u mungojnë njohuritë dhe informacioni për të përcaktuar se kur ose nëse duan të bëjnë fëmijë, dhe për t’u mbrojtur nga infeksionet dhe sëmundjet seksualisht të transmetueshme.

Për këtë qëllim, ACPD, me mbështetjen e partnerëve të saj – Federata Ndërkombëtare e Planifikimit Familjar (IPPF) dhe UNFPA/Shqipëri – do të vazhdojë punën e saj duke u fokusuar në rritjen e njohurive për metodat kontraceptive dhe për planifikimin familjar dhe për edukimin e brezit të ri masat kontraceptive.